“ သတိရလိုက်တာ…။ ”
အလွမ်းလို့ ၀ံ့ဝံ့စားစားရင်မဖွင့်နိုင်တော့မှ
မျိုသိပ်သိုဝှက်ထားသော ခံစားချက်ထုထည်တို့ စကားလုံး အ ဖြစ် နှုတ်ဖျားမှ ပွင့်အံထွက်ကျလာသည်က
သတိရခြင်း။
ကောင်လေးရော…။ နွယ့်ကိုသတိရနေမလား။
နွယ်တို့နှစ်ဦးချင်းသာ သိနိုင်သည့် စိတ်ချင်းဆက်နွယ်မှု အရ ကောင်လေးလည်းနွယ့်ကို သတိရနေလိမ့်မည်ဟု
ယုံကြည်သေချာနေသည်ဆိုပါလျှင် နွယ့်ကိုယ်နွယ် အထင်ကြီးလွန်းနေလေမလား။
ပင်လယ်ပြင်ကိုဖြတ်ပြေးတိုက်ခတ်လာသောလေအေးကြောင့်
နွယ့်ဆံနွယ်များ လူးလွန့်နေသည်။ လေ အဝေ့မှာ လှိုင်းငယ်များက ကမ်းစပ်ဆီ ပြေးလွှားခစားကြသေးသည်။ သူရိန်နေ မင်းသည် မိုးကုတ်စက် ၀ိုင်းမေးဖျားမှာ
ဖြည်းဖြည်းချင်းကိုယ်ယောင်ဖျောက်လို့နေချေပြီ။ ချမ်းစိမ့်စိမ့်လေအေး တို့ကြောင့်
လက်ဖ ၀ါးနှစ်ဖက်ကို ပွတ်သပ်အနွေးဓာတ်ပေးရင်း အနွေး ထည်အိတ်ကပ်ထဲ ထိုးသွင်းလိုက်သည့်အခါ
စမ်းမိ သည်က ဆင်းကဒ်အဟောင်းလေး။
ကောင်လေးဘက်က အသစ်ပြောင်းခဲ့ပြီးသော
နွယ့်နံပါတ်ကိုမသိ၍ ဖုန်းမျက်နှာပြင်ကို ရှေ့  တိုးနောက် ငင်ရွှေ့ ရင်း ပူပန်စိုးရိမ်နေမည့်
ကောင်လေးမျက်နှာလေးကို မှန်းဆမြင်ယောင်မိ သည့်အခါ နွယ်ကပဲ အရင် ကောင်လေးဆီ အသံလှိုင်းပို့ပေးနိုင်မည့်
ကိန်းဂဏန်းတို့နှိပ်ရ လေမလား တွေးမိလိုက်သေးသည်။ အပြီးတိုင်ဖျက်ပစ်လိုက်သော နွယ့်မေးလ်ဟောင်းဆီ သို့
ပြတ်တောက်ခဲ့သည့် ကြိုးတစ်ချောင်း၏ ဆက်ထုံး များဖြစ်မလား မျှော်လင့်ချက်ဖြင့် စာ လွှာပါးတိုင်းလည်း
သင်ပို့လိုသော လိပ်စာထံ သို့ မေးလ်ပို့ပေးနိုင်ခြင်း မရှိပါဟူသော
ပြန်စာ များကို ငိုင်ငေးကြည့်ကာ မောလျနေမည့် ကောင်လေး၏သက်ပြင်းငွေ့များ ရှူ ရှိုက်မိ လိုက်
သလိုလို။
ခုချိန်မှာ ကောင်လေးဘေးကနေ တိတ်တိတ်လေး ကိုယ်ယောင်ဖျောက် ရှောင်ပြေးခဲ့ပြီးမှ တော့ ကောင်လေးဘ၀လေးကို ထပ်ပြီးလှုပ်ခတ်မစေသင့်။ သူ့အနီးတ၀ိုက်မှာ ပျောက် ကွယ်နေခြင်း က၊ နွယ့်အ သံလေးဆိတ်နေခြင်းက ကောင်လေးကို တစစ တည်ငြိမ်သွား စေပါလိမ့်မည်။ ၀ဲယာနှစ်ဖက် မျက်ဆံရွှေ့ပြီး မျက်ဝန်းထောင့်၌ ထင်လာသည့် သစ်ကိုင်းခြောက်လေးကို ဖျတ်ခနဲဆွဲယူပြီး သဲမြေမွမွပေါ်မှာ ကောင်လေး နာမည်ကို ရေးထိုးလိုက်သည်။
“ လင်း…”
ငသတ်ကိုအဆုံးသတ်ရေးဆွဲပြီးချိန်မှာ နွယ့်နှလုံးသားလေးလည်း တုန်ရီလှုပ်ခါသွားရသည်။
@@@@@
“ အယ် ညပ် ..ညပ်..”
“ ဟယ် ဒီကလေးညပ်တော့မှာပဲ ”
အလန့်တကြား အာမေဋိတ်သံများနှင့်အတူ နွယ့်ဘယ်လက်သည် ရထားအ၀င်ဝသို့
မျက် နှာမူနေသော ကလေးငယ်၏ ညာလက်ကို ဖမ်းဆွဲလိုက်သည်နှင့်တပြိုက်နက်
ကလေးငယ် ၏ဘယ်လက်ကို အခြား ညာလက်တစ်ဖက်ကလည်း ဆောင့်ဆွဲလိုက်သည်။ ထိုစက္ကန့်မျှ ခဏမှာ နွယ်တို့အကြည့်ချင်းဆုံမိကြသည်။
နေ့စဉ်လိုလို နံနက်ခင်းရုံးတက်ချိန်တိုင်း၊ ညနေခင်းအလုပ်ပြန်ချိန်တိုင်း၌
ရထားသည် ခြေ နှစ်ချောင်းစာနေ ရာအတွက်ပင် ခက်ခဲလှအောင် ကျပ်လွန်းလှသည်။ ဂိတ်စသုံးလေးဘူတာ
ကတည်းက ပြည့်သိပ်လာသည် မှာ အလယ်ဘူတာလောက်မှ တက်သောနွယ်တို့ဖို့ သုံးစီး မြောက် လေးစီးမြောက်မှသာ
ရထားထဲဝင်လို့ရ သည်မှာ ရိုးအီငြီးငွေ့ဖွယ် ဖြစ်စဉ်တစ်ခု။ ရထားသည် နှစ်မိနစ်ခြားတစ်ခါလာခြင်း၊
ဘတ်စ်ကားလိုမျိုး ယဉ်ကြောပိတ်ဆို့မှုမရှိသည့် အတွက် ဆိုက်ရောက်ချိန်၊ ထွက်ခွာချိန်တိကျခြင်းတို့ကြောင့်သာ
စိတ်ကိုဆွဲ ဆန့်၍၊
အောင့် အည်းသည်းခံ၍ အခြားရွေးချယ်စရာဆီ ခြေဦးမလှည့်နိုင်ခြင်းဖြစ်သည်။
ခုလည်း ကပ်ကပ်သပ်သပ်
ရထားအ၀င်ဝနေရာဆီ လှမ်းဝင်လာသော ကလေးငယ်သည် ဟန်ချက်မငြိမ် ခင်ရှေ့ သို့ပြိုအလဲ၊ အချိန်စေ့၍ရထားတံခါးအပိတ်
နွယ်တို့ အထိတ်တလန့် လှမ်းဆွဲလိုက်ခြင်း ဖြစ်သည်။
မတော်တံခါးညပ်သွားမှဖြင့်။ ထိုကလေးငယ်ကတော့
“ ရတယ်။ ကိစ္စမရှိဘူး။ ” တစ်ခွန်းပြောကာ သူ့အိုင်ပစ္စည်းမျက်နှာပြင်မှ မခွာတော့။
မနေနိုင်မထိုင်နိုင်
အကဲပိုမိသော အစောကတစ်ယောက်နှင့်နွယ် အကြည့်ချင်းထပ်ဆုံမိကြ ပြန်သည်။
ရထားသည် တစ်ဘူတာရပ်လိုက်၊
ခရီးဆုံးသူက ဆင်းသွားလိုက်၊ ခရီးသည်အသစ်များက တက်လာလိုက်၊ လိုရာမရောက်သေးသူများကကျန်ခဲ့လိုက်။
လစ်လပ်သွားသောအတွင်းနေရာများသို့ ဖြည့်ဝင်သွား ရင်း နွယ်နှင့်အစောကလူ ဘေးချင်းယှဉ်လျက်ဖြစ်သွားသည်။
ခဏ ကြာတော့ သူ့ရှေ့ မှနေရာ လွတ်သွား သည့်အခါ နွယ့်ကိုမေးဆတ်ပြသည်။
နွယ်လည်း ထိုင်ခုံမှာဝင်ထိုင်ရင်း
ဖုန်းဂိမ်းတစ်ခုကို ဆော့နေလိုက်သည်။ မိနစ်နှစ်ဆယ် လောက် ကြာတော့ နွယ်ဆင်းရမည့်ဘူတာသို့
ရောက်သည်။ တခါတရံ မတော်တဆ တိုက်ဆိုင်မှုအမှုန်လေးများ
စုဖွဲ့ပြီး မေ့ဖျောက်ခက်သော အမှတ်တ ရများကို ဖန်တီးတတ်လေသည်။ အထူးသဖြင့် သံယောဇဉ် အတွယ်အတာကို
ဥပေက္ခာပြု ထားချင်သူ နွယ့်ကိုမှ ထိုလှိုင်းက တည့်မတ်စွာ ရိုက်ခတ်ခဲ့လေသည်။
“ Hello ရှေ့ က မမ…wait
me please! ”
ကျောဘက်ဆီမှ မြန်မာသံတစ်ဝက် ဘိုသံတစ်ဝက် အသံတစ်သံလွင့်လာပြီး
အရိပ်တစ်ရိပ်လည်း နွယ့်ဘေး ဖတ်ခနဲထိုးကျလာသည်။ မော့ကြည့်လိုက်တော့ အစောကလူ။ ခပ်မြူးမြူး
အပြုံးနှင့် မှတ်စုစာရွက်ပေါ်မှ လိပ်စာကို ညွှန်ပြသည်။
“ You can follow with me ကောင်လေး ”
အံ့သြရိပ်ဖြတ်ပြေးသွားသောအကြည့်နှင့် တစုံတခုကိုသဘောပေါက်သွားသော
ဝင်းလက် သွားသည့် အပြုံး ကို နွယ်သတိထားဖြစ်မိအောင် သတိထားမိလိုက်သေးသည်။
မိုးပြာရောင်တီရှပ်နှင့် ဂျင်းပင်န်သည် ဖြူနုဝင်းမွတ်နေသည့်
ကောင်လေးအသွင်အပြင် လေးနှင့် ဘယ်လောက်ပင် အရောင်တောက်လွန်းသည်ဆိုဆို အင်တာဗျူးလာသူအနေနှင့်တော့ တဆိတ် သိမ်ငယ် လွန်းသည် ဆိုချင်သည်။ ကောင်လေးက ရှေးအမွေအနှစ်တို့
ပေါင်းစုနေသည့်ဇာတိမြေ မြို့လေးအကြောင်း တဖွဲ့တနွဲ့ဆိုသည့်အခါ နွယ်အားလပ်ရက် ပြန်လျှင်
သွားလည်မည့်စာရင်းထဲ တေးမှတ်ထားလိုက်သည်။
မေတ္တာရုံသည့်မိသားစု၏ အထွေးဆုံးသားလေးမို့ မန္တလေးနည်းပညာကျောင်းက
ဘွဲ့ရ ကြောင်း၊ သည်ကျွန်းလေးမှာ အလုပ်ရှာနေသည်မှာ သုံးပတ်လောက် ရှိနေပြီဖြစ်ကြောင်း
ကကြီးကနေအ သူ့အကြောင်းတို့ကို သူစိမ်းသူကျက်မရွေး သံသယကင်း ယုံကြည်လွန်းစွာ အိတ်သွန် ဖာမှောက်ပြောနေလေသလားမသိ။
ကျောပိုးအိတ်ဘေးကပ်မှ ဖုန်းပြားလေးကို ထုတ်ပြီး နံပါတ်ချင်းတောင် ဖလှယ်အုံးမည်ဆိုသည်။
“ ကောင်လေး...ဟိုးပန်းအိုးနား မြင်နေရတဲ့ဓာတ်လှေခါးကနေ ဆယ့်တစ်လွှာတက် သွားရင် မင်းကိုခေါ် တဲ့ကုမ္ပဏီအခန်းနံပါတ်ကို
တွေ့လိမ့်မယ်..”
ဒါတောင် “ မ... ရုံးခန်းက ဘယ်အလွှာမှာလဲ ” ဟုအမျှင်တန်းနေသေးသည်။
နွယ်ပြုံးရုံပြုံးကာ
ကျောခိုင်းလိုက်ပြီး သည်မနက်တော့ မြေညီထပ်က ကန်တင်းမှာ အချိန်ဖြုန်းရလိမ့်အုံးမည်။
နှစ်ပတ်လောက်ကြာသည့်အခါ
ဓာတ်လှေခါးရှေ့ ပန်းအိုးလေးဘေးမှာ စောင့်နေခဲ့သည့် ကောင်လေးနှင့် ဒုတိယအကြိမ် ဆုံစည်းစေသည့်
ကံတရားကိုတော့ တသက်လုံး နွယ် ကျေးဇူးတင် ရလိမ့်မည်။ ခြောက် ကပ်အထီးကျန်နွယ့်နေ့ရက်များသည်
သေးသေးချိုချို ကောင်လေးအသံလေးများနှင့် စိုပြည်လာပြီး အမှတ် တရဆိုတာ ရင်ထဲသိမ်းထည့်ထားရုံနှင့် ကြည်နူးစေမှန်း သိလာခဲ့ သည်။
နောင်အခါ ယခုအလုပ် ကို ကောင်လေးက မျှော်မှန်းလစာ ထက် ဒေါ်လာငါးရာလျှော့ပြီး လက်ခံခဲ့ကြောင်း
သိရသည့်ခါ နှာသီး ဖျားလေးပူနွေးလာသည်ထိ လှိုက်ဖိုရင်ခုန်ရလေသည်။
“ ပျော်ရွှင်ဖွယ် နံနက်ခင်းလေးပါ ... မ ”
တည်သည်လည်းမဟုတ် ရယ်သည်လည်းမဟုတ်
အရောင်မဲ့ မျက်နှာသေနှင့် အလွှာနံပါတ် တစုံတရာ မနှိပ်ဘဲ အလိုက်သင့်တက်လာသည့်
နွယ့်ကို ကောင်လေးအံ့သြနေလိမ့်မည်။ ကောင်လေးရုံးခန်း၏ မျက်စောင်းထိုးအခန်းထဲ လက်ဗွေနှိပ်ဝင်သွားသည့်
နွယ့်ကျောပြင် နောက်မှာတော့ " အို ..ဟိုး ... လှပတဲ့ တိုက်ဆိုင်မှုလေးပါလား။
" ဆိုသည့် ရေရွတ်သံ တိုးတိုးလေးက ကပ်ပါလာသေးသည်။
“ တကယ်တော့ မရဲ့ အပြင်အစားအစာဆိုတာ
တခါတရံပဲကောင်းတာ။ အထူးသဖြင့် အငန်ဓာတ်မပါ အချိုဓာတ်ပေါ့ ရေလုံပြုတ်သာသာ သူတို့အစားအစာထက်
ရသာခြောက်ပါးလုံး အချိုးကျကျပေါင်းစပ်ထားတဲ့ လင်းတို့ အစာကမှ အာသာပြေတာမဟုတ်လား။ ညနေခင်း
တော့ မ ... ချက်စားတယ်မဟုတ်လား။ ”
ထိုသို့အစပြု၍ အလုပ်စ၀င်သည့်
နေ့လယ်ခင်းထမင်းစားချိန် ကန်တင်းမှာတင် မဖိတ်ခေါ်ပါဘဲ နွယ့်ရှေ့ ၀င်ထိုင်၊ ယောက်ျားလေးတန်မဲ့
ထမင်းဗူးလေးဖွင့်ပြီး ဟင်းချိုင့်ထဲက ငါးပိ ကြော် အနည်းငယ်ကိုလည်း ခွင့်မတောင်းပါဘဲ နွယ့်ပန်းကန်ထဲ ခပ်ထည့်ပေးသေးသည်။
ကောင်လေး နွယ့်ဘ၀ထဲစိမ့်ဝင်လာပုံက
ခေါင်းခါငြင်းဆန်နေရင်းက ကြည်နူးမက်မောစွာ သာယာမိသွား သလိုမျိုး။
“ ကောင်လေး မင်း ... ပေါင်းကျွေးတဲ့ကောက်ညင်းပေါင်းက
အရသာသိပ်ရှိတာပဲ။ နွယ်က နှမ်းထောင်းနဲ့ပဲ တွဲစားဖူးတာ။ အဲလိုမြေပဲထောင်းလေးနဲ့ ပဲပြုတ်အိအိလေးနဲ့
အရသာစိမ့် စိမ့်လေးဆိုတော့ လျှာမှာ စွဲနေ တာပဲ။ ”
“ ဟာ...မကလဲ ကောင်လေးလို့မခေါ်ပါနဲ့ဆို။ လင်း ...လင်းလို့ခေါ်ပါ။
”
နှစ်နှစ်လောက်နောက်ကျမွေးလာတာကို ကလေးတစ်ယောက်လို မမြင်ပါနှင့်။
ကမ္ဘာကြီးကို အုပ်စိုးမည့် အတွေးအခေါ်တို့
နှလုံးသားထဲအပြည့်ပါဟု သူ့ရင်ဘတ်ကိုပုတ်ကာ စိတ် ကောက် တတ်သည့် ကောင်လေး၏ကလေးဆန်မှုကလည်း
ချစ်စရာကောင်းလို့နေပြန် သေးသည်။
ဗူးသေးသေးလေးနှင့် နွယ့်အတွက်တစ်ယောက်စာ ကြက်သားငါးပိချက်လိုမျိုး၊
ချဉ်ပေါင် ကြော်လိုမျိုး ထည့် ယူလာတတ်သလို နံနက်ခင်းအဆာပြေစာ ပေါင်မုန့်ကြက်ဥကြော်၊
ပဲအီကြာလိုမျိုးလည်း တကူးတက လုပ်လာတတ်သေးသည်။
“ အဲလို သူများတွေကိုလည်း ဟင်းတွေ ” မုန့်တွေကျွေးတာပဲလား။ နွယ်ကနှုတ်ခမ်းဆူချင် ယောင်ဆောင်သည့်အခါ “ မ…က၀န်တိုတာလား။ တစ်ယောက်တည်းမူပိုင်ခွင့်ရချင်တယ်
ပေါ့။ ” မေ့စေးကိုပွတ် အထာကြီးစတိုင် ပဲများတတ်သေးသည်။
တိုတောင်းလှသည့် သိကျွမ်းမှုသက်တမ်းနှစ်လခွဲအတွင်းမှာ နွယ်ကျရှုံးခဲ့ပြီဖြစ်ကြောင်း
သတိထားမိသည့် အခါ အံ့သြစွာ၊ ထိုမှတဖန် ရှက်ရွံ့ စွာ တကိုယ်တည်းပြုံးမိလေတော့သည်။
နံနက်တိုင်း ဓာတ်လှေခါးရှေ့ပန်းအိုးလေးဘေးကို
အကြည့်ရောက်တတ်၍ ငါးနှစ်တာ ကာ လအတွင်း ဒေါ်လာပိုက်ဆံ သုံးပြီး လည်ပတ်သင့်သည်ဟု မသတ်မှတ်ခဲ့သည့်
တိရစ္ဆာန်ရုံလို၊ ငှက်ဥယျာဉ် လိုနေရာမျိုးကိုရောက်ကာ နွယ့်မူပိုင် အေးစက်စက်အကြည့်တို့ပင်
စိုလက် အသက်ဝင်လာချေပြီ။
စနေနေ့ဝက် ရုံးတက်ရတာချင်းတူသော နွယ်တို့သည် ရုံးဆင်းသည့်အခါ
အိမ်မပြန်သေးဘဲ ရုံးနှင့် မနီး မဝေးက မြစ်ကမ်းဘေး လှေခါးထစ်လေးများမှာ ထိုင်ရင်း အာလူးကြော်ဝါးလိုက်၊
အအေးသောက် လိုက် ရောက်တတ်ရာရာ ဆိုတတ်ကြသေးသည်။
“ နွယ့်ကိုလေ မေ့မေ့ကိုယ်ပွားလေးလို့ ဖေဖေကိုယ်တိုင်ကရော
ဖေဖေ့ အမ နွယ့်ကြီးကြီး တွေကပါ သတ်မှတ်ကြတယ်။ နွယ့်မျက်နှာကျက မေမေ့နဲ့တထပ်တည်းပဲကိုး။
ဒါပေမဲ့ ကောင်လေး မင်းသိ လား။ နွယ်ကမေမေ့လိုတော့မဟုတ်ဘူး။ မေမေ့စရိုက်က လွတ်လပ် တာကိုကြိုက်တယ်။
အပေါင်းအသင်း မင်တယ်။ ကလပ်တက်တယ်။ ပါတီပေးတယ်။ ပျော်ပျော်ရွှင်ရွှင်နေတတ်တာက အတိုင်းအဆ လွန်ကဲ သွားတော့ ပေါ့တဲ့ဘက်ရောက်သွား
တယ်။ ဖေဖေက ရှေးဆန်တယ်။ သိုသိပ် တတ်တယ်။ ဖေဖေ က မေမေ့ကိုအမြင်မကြည် တိုင်း မင်း,သမီးလဲ
မင်းအချိုးတိုင်းလာမှာပဲလို့နွယ့်ကို လျစ်လျူ ရှုတတ်လာတယ်။ ညှိမရတဲ့ ဖြစ်ရပ်တွေရဲ့အဆုံးမှာ
မေမေဟာ သူ့မာနကို ထိပါတယ်ဆိုပြီး တခြားလမ်းကို လျှောက်သွား ခဲ့တယ်။ ”
“ နွယ့်ကိုမညှာဘဲ သူ့ဗီဇကို တစ်ထစ်မလျှော့တဲ့မေမေ့ကိုလဲ
နွယ်မုန်းတယ်။ မေမေ့ကို စိတ် နာပြီး နွယ့်ကို ဖယ်ထုတ်ချင်တဲ့ ဖေဖေ့ကိုလဲ မကျေနပ်ဘူး။
ချစ်ရဲ့သားနဲ့ ပြတ်လွယ်တဲ့ သူတို့ သံယောဇဉ် ကို နွယ်မုန်း တယ်။ သူများမိသားစုတွေ သာယာနေတာမြင်ရင်
အလိုလို မနာ လိုဖြစ်လာရော။ အဲလိုမိသားစုမျိုး ပိုင် ဆိုင်ထားတဲ့ သူငယ်ချင်းနဲ့လည်း သူငယ်ချင်းဆက်
မလုပ်တော့ဘူး။ ပြသနာက အော်တိုတက်ရော။ ကြာလာတော့ နွယ့်မှာ အပေါင်းအသင်း ရှားလာတယ်။
”
“ ဒါတွေပြောပြနေတာ ကောင်လေး နွယ့်ကိုသနားစေချင်လို့မဟုတ်ဘူးနော်။
အဲလို မှီတွယ်ရာပျောက် ဆုံးခဲ့ဖူးတဲ့ problem girl နွယ်ဟာ…နောက်တစ်ကြိမ် တွယ်ငြိမိတဲ့
အရာတစ်ခု ကိုသာ ဆုံးရှုံးခဲ့ မယ်ဆို ရင်…..”
ကောင်လေးသည် နွယ့်ကိုစကားဆက်ခွင့်မပေးဘဲ သူ့လက်ညှိုးနှင့်
နွယ့်နှုတ်ခမ်းကို ပိတ် ကာ နွယ့်လက်ကို ဆုပ်ကိုင်အားပေးတတ်သည်။
ထိုညနေခင်းများတော့ နွယ်တို့နှစ်ယောက် ညဥ့်နက်မှဖြေဖျော်သည့်
သံစုံတီးဝိုင်းကို ညဈေး တန်းပတ် ရင်း စောင့်ပြီး စိတ်ရှိသလောက်ခုန်ပေါက် အားပေးလိုက်ကြသည်။
နောက်ဆုံးရထားတောင် မမှီတော့ပြီမို့ အငှားကားစီးကာ ကောင်လေးက
နွယ့်အိမ်ပေါက်ဝ ထိ လိုက်ပို့ သည်။
နွယ့်နဖူးဆီ ဖွဖွထိသည့် အနမ်းကတော့ နေထွက်လာမည့် မနက်ဖြန်တိုင်းအတွက်
အား အင်အနမ်း များဖြစ် သည်။
အကယ်၍ ဖုန်းအ၀င်ကောလ်တစ်ခုကို
ကောက်ကိုင်လိုက်ခြင်းသည် နွယ့်ရွှေရောင်စိတ်ကူး များကို ကြေ မွစေမှန်းကြိုသိခဲ့လျှင်
နွယ် မကြားချင်ယောင်ဆောင်ခဲ့မိမှာ သေချာသည်။ တခါတရံမျှော်လင့်မထားသည့်
ချိန်သားကိုက်မှုအခြေအနေများလည်း စောစီးစွာကြုံရတတ် သေးသည်။
စနေနေ့လယ်ခင်း ကောင်လေးနှင့် ကော်ဖီဆိုင်ထိုင်နေတုန်း ကောင်လေးဖုန်းလေး
မြည် လာခဲ့ သည်။ ပေါ်နေသည့်နံပါတ်သည် မြန်မာနိုင်ငံကမို့ ကောင်လေး မုန့်နှင့်ကော်ဖီ သွားယူနေတုန်း လိုင်းကျ သွားမှာ စိုးရိမ်စိတ်ကြောင့် accept ခလုတ်ကိုနှိပ်လိုက်မိသည်။
“ အလင်းရောင်...မင်း မေမေ့အရိပ်အောက်ကလွတ်တာ လပိုင်းပဲရှိသေးတယ်။
ထင်ရာစိုင်း တတ်နေပြီ လား။ ငယ်တယ်မဆိုနိုင်တဲ့ မင်းအသက်အရွယ်နဲ့ အဲသလောက်တော့ ထိန်းချုပ်
ဆင်ခြင်နိုင်သင့်တယ်။ မင်းမွှန်နေတုန်းတော့ လိမ့်လို့ကောင်းနေအုံးမှာပေါ့။ ခုတွဲနေတဲ့
ကောင်မလေးနောက်ကြောင်းကို မင်းက စိတ်မ၀င်စားပေမဲ့ မေမေက မျက်နှာမလွှဲနိုင်ဘူး။ အဲကောင်မလေးအမေက
ပထမအိမ်ထောင်နဲ့ သဘော ထားမတိုက်ဆိုင်လို့ ဒုတိယ အရိပ် အောက်ခိုလှုံတယ်။ မေမေ အပြစ်မပြောလိုဘူး။
ဒါပေမဲ့ တတိယ အရိပ်ကို ထပ်ပြီးခိုဝင်တာ တော့…။ ချောင်းရိုးမြောင်းရိုးသာ တိမ်ကောရင်တိမ်ကောမယ်။
မျိုးရိုး ကတော့….. သား။…” နွယ်ကံကောင်းသည်ဆိုရမလား။
ဖုန်းလိုင်းသည် ပြောနေရင်း ပြတ်တောက်သွားခဲ့ သည်။ ကောင်လေးမေမေလည်း ထပ်ခေါ်မရတော့သည်ပဲလား၊
မှာတမ်းခြွေစရာကုန်သွားလို့လား ဖုန်းသံ လည်းထပ်မြည်မလာတော့။
“ ကောင်လေး မင်းဘ၀မှာမိဘကို ဆန့်ကျင်ခဲ့ဘူးလား။ ”
အဆက်အစပ်မရှိ
နွယ့်မေးခွန်းကြောင့် ကောင်လေးမျက်ခုံးများ တွန့်တက်သွားသည်။ ကောင်လေးက မဖြေသေးဘဲ
မုန့်နှင့်ကော်ဖီကို နွယ့်ရှေ့ ချပေးသည်။
"
မုန့်ကို ခဏထားပါအုံး။ နွယ်မေးတာဖြေအုံးလေ။ ဥပမာ...အဖြစ်အပျက်တစ်ခုတည်းကိုပဲ
ကိုယ့်ဘာသာ မှန်ကန်နေတဲ့ ရပ်တည်ချက်တွေနဲ့၊ အဲလိုဆန့်ကျင်ဘက်ကလည်း ကိုယ့်ရဲ့ မိဘ
အထူးသဖြင့် အမေပေါ့။ ကောင်လေးကြုံခဲ့ဘူးလား။ အရင်ကမကြုံလည်း အနာဂတ်ဆို တာကြိုမမြင်နိုင်ဘူးလေ။
"
"
ဒီကကောင်ပြောရင်လည်း အိုဗာတင်းလို့ စွပ်စွဲအုံးမယ်။ မရဲ့လင်း အလင်းရောင်က သား လိမ္မာလေးပါဗျ။
"
ကောင်လေးက
ရယ်ကျဲကျဲဆိုသော်လည်း နွယ့်ရင်ထဲ ငိုချေပြီ။
"
တကူးတက ဖန်တီး၊ စကားနားထောင်ခဲ့တာတော့မဟုတ်ဘူးဗျ။ လင်းမေမေကလည်း တစ်ခါဆိုတစ်ခါမှ
တယူသန်တစ်ဖက်သတ်မဆန်ခဲ့သလို တကယ်လို့တားမြစ်ခဲ့ရင်လည်း လင်းအတွက်ပဲလို့လင်းယုံ တယ်။
မေမေက လင်းကို တအားချစ်တယ်။ လင်းကလည်း မေမေကိုချစ်တာပဲလေ။ "
ကောင်လေးက
တွေးတွေးဆဆဆိုပြန်သည်။
ထိုနေ့က
" ခေါင်းကိုက်တယ်။ ပြန်ရအောင်။ " အကြောင်းပြကာ ကြည့်ရခဲသော မြန်မာ အဆိုတော်များ ရှိုးပင်
လက်မှတ်အဆုံးခံလိုက်ပြီး အိမ်ပြန်ခဲ့သည်။ ကောင်လေးမေမေ စကားများကတရစ်ဝဲ ၀ဲ။
ကောင်လေး ပုံရိပ်များက တ၀ဲလည်လည်။ ကောင်လေးအတွက် ချိန်ခွင်လျှာညှိရမည့် နွယ့်ပြိုင်ဘက်သည်
သူစိမ်းသာဖြစ် လိုက်စေချင်သည်။ တစ်လျှောက် လုံးမစွန်းထင်းခဲ့သည့် ဂုဏ်ပုဒ်သည်
နွယ့်ကြောင့် အရောင် မပြောင်းစေ ချင်။ ထိုအတောအ တွင်း ကောင်လေးဆီမှ
တစုံတရာကြားလေမလား စိုးတထိတ်ထိတ်နှင့် နေ့ရက်တို့ ကုန် လွန်သွားခဲ့သည်။
လွန်ခဲ့သည့်နှစ်ကငြင်းခဲ့သည့် အိန္ဒိယတိုင်းပြည်ရုံးခွဲသို့ စေလွှတ်မှုကို
ဒုတိယ အကြိမ် တောင်းဆိုခံလာရသည့်အခါတော့ မဆိုင်းမတွပင် ခေါင်း ညိတ်ခဲ့မိသည်။
ကောင်လေးနှင့် နောက် ဆုံးဆုံခဲ့သည့်ညနေက အတည်တကျဖြစ်လျှင် လိပ်စာ၊ ဖုန်းနံ ပါတ်တို့ကို
မေးလ်ပို့ပေးလိုက်မည်ဟု ကတိပေးခဲ့သော်လည်း ခုချိန်၌ ထိုအလင်းရောင်၏ ဖြာလင်းမှု စည်းဝိုင်းအတွင်းမှာ
တစ်ကြိမ်တစ်ခါ ကြည်နူးခဲ့ဖူးရုံနှင့် လုံလောက်ပြီဟု သေချာ ဆုံးဖြတ်နိုင်ခဲ့ပြီမို့
နွယ့်အချစ်ကိုကောင်လေးအပါအ၀င် မည်သူ မျှနားမလည်သည့်တိုင် အောင် ....။
ရင်ငြိမ်းသူ(မော်လမြိုင်)
12.10.2013(Sat)
10:00 P.M
သြဂုတ်လ ၂၀၁၄ ရွှေအမြုတေ
